Darius I, Susa (DSab)

Script, transliteration, and transcription

Old Persian cuneiform

𐎲𐎥 𐏐 𐎺𐏀𐎼𐎣 𐏐 𐎠𐎢𐎼(𐎶)[𐏀]𐎭𐎠 𐏐 𐏃𐎹 𐏐 𐎡𐎶𐎠𐎶 𐏐 𐎲(𐎢𐎷)𐎡𐎶 𐏐 𐎠𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶𐎠𐎴𐎶 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹𐎶 𐏐 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 (𐎠𐎭𐎠 𐏐 𐎶𐎼𐎫𐎡)[𐎹𐏃𐎹𐎠 𐏐 𐏃𐎹 𐏐 𐎭]𐎠𐎼𐎹𐎺𐎢𐎶 𐏐 𐎧𐏁𐎠𐎹𐎰𐎡𐎹𐎶 𐏐 𐎠𐎤𐎢𐎴𐎢𐏁 𐏐 𐎡𐎹𐎶 𐏐 𐎱𐎫𐎡𐎣𐎼 𐏐 𐎠𐎰𐎥𐎡𐎴 𐏐

Scientific transliteration

b-g : v-z-r-k : a-u-r-(m)-[z]-d-a : h-y : i-m-a-m : b-(u-mi)-i-m : a-d-a : h-y : a-v-m : a-s-m-a-n-m : a-d-a : h-y : m-r-t-i-y-m : a-d-a : h-y : š-i-y-a-t-i-m : (a-d-a : m-r-t-i)-[y-h-y-a : h-y : d]-a-r-y-v-u-m : x-š-a-y-ϑ-i-y-m : a-ku-u-n-u-š : i-y-m : p-t-i-k-r : a-ϑ-g-i-n :

Transcription

baga : vazraka : Auramazdā : hya : imām : būmim : adā : hya : avam : asmānam : adā : hya : martiyam : adā : hya : šiyātim : adā : martiyahyā : hya : Dārayavaum : xšāyaϑiyam : akunauš : iyam : patikara : aϑagaina :